Schoulufank 2021, eis Rotschléi fir Iech gutt virzebereeden

Um Enn vum Summer ass et Zäit, Äert Kand op d’Schoul zréck virzebereeden. Vläicht sidd Dir nach an der Preparatioun vun Äre Summervakanz a schonn d’Gedanken un d'Schoulmaterial an den neie Schoulsak fir Äert Kand drécken Iech op d’Stëmmung. Mee d’Virbereedung op d’Schoulufank ass dee beschte Wee, fir dës vläicht stressvoll Zäit méi angenehm ze maachen.

Wann Dir gären alles am Grëff hutt, ier et lassgeet, hei sinn eis Rotschléi, fir Iech bei der Preparatioun vun der nächster Schoulufank ze hëllefen.

Wéini soll een ufänken, d’Schoulufank virzebereeden?

Et gëtt keen exakten Datum, wéini Dir mat der Preparatioun vun der Schoulufank fir Äert Kand ufänke sollt. Awer et ass wichteg am Kapp ze behalen, datt et besser ass, esou fréi wéi méiglech unzefänken.

Dat ass nach méi wichteg, wann Äert Kand eng wichteg Etapp an senger Schoulzäit duerchgeet, wéi de Wiessel vun der Grondschoul an de Lycée classique, vum Lycée classique an de Lycée technique oder vum Lycée op d’Uni.

Dir kënnt ufänken, d’Rentrée am leschte Mount vum Summer virzebereeden, och wann mir Iech roden, schonn ab Juni mat Äre Kafaktiounen unzefänken. Tatsächlech ass d’Nofro u Schoulmaterial am August ganz héich. Dir kënnt also op Stockbréch stoussen, besonnesch bei ganz gefroten Artikelen wéi Schoultäsch.

Wann Äert Kand seng Lëscht mat de Schoulmaterialien nach net krut, kënnt Dir se direkt bei der Schoul ufroen. A wann Dir se net am Viraus kritt, ginn et Saachen, déi Dir schonn am Viraus kaaft kënnt, wéi z.B. Stëfter, Filzstëfter oder och de Schoultäsch an d’Federmäppchen.

Fänkt un d'Bettzäit unzepassen ier d’Schoul ufänkt

Mat méi Stonnen Dagesliicht ginn d'Bettzäiten méi spéit. Fir Ärem Kand ze hëllefen erëm an de Schoulrhythmus ze kommen, fänkt e puer Wochen virun der Rentrée un, andeeft d’Luuchten all Nuecht 15 Minutten méi fréi aus, bis Dir erëm eng normal Zäit hutt.

Setzt Är Moiesroutine fest

D’Moien si bal ëmmer hektesch. Mee et kann organiséiert ginn, wann jiddereen d’Routine kennt an d’Kanner d’Méiglechkeet hunn, hiren Deel ze maachen.

Bereet eng Moieslëscht fir all Kand virun der Schoulufank vir, dréckt se aus, laminéiert se a setzt se dohin, wou d’Kanner se gesinn. Lëschte si super fir Kanner ze motivéieren, a si entlaaschten Iech och, well Dir net ëmmer déi selwecht Instruktioune widderhuele musst.

Maacht Iech mat der Schoul vertraut

Déi éischt Deeg an der Schoul kënne beängschtegend sinn. Dir kënnt dës Angscht e bësse reduzéieren, andeems Dir d’Schoul besicht an eventuell souguer e Video-Uruff mam Enseignant maacht. Schéckt eng E-Mail am Viraus, fir e gudden Zäitpunkt ze fannen.

Trefft d’Mitschüler

Dësen Tipp gëllt virun allem fir Kanner an der Grondschoul. Wann et méiglech ass, organiséiert en Dag oder en Nomëtten mat engem Klassenkamerad vun Ärem Kand. Esou wësst Dir, dass Äert Kand den éischten Dag net eleng ass.

Eng nei Verantwortung virun der Schoulufank derbäiginn

En neit Joer ass eng exzellent Geleeënheet, fir op neutral Aart a Weis eng nei Verantwortung an de Repertoire vun Ärem Kand derbäizemaachen. Dat kann zum Beispill sinn, seng Schoulkleeder am Viraus erauszesichen an ze preparéieren, oder och seng Schoultaisch ze packen.Alles hänkt vum Alter vun Ärem Kand of.

Maacht d’Schoulshopping zu eppes Besonneschem

Soubal d’Schoul ugefaangen huet, ass et schwéier, Zäit mat der Famill ze verbréngen. Anstatt d’Schoulakaf mat Ären normale Kommissiounen ze maachen, firwat net engem Kand eng ganz Dag widmen an zesummen eppes Schéines erliewen, mat engem gudde Mëttesiesse, wou Dir iwwert d’Zukunft an d’neit Schouljoer schwätzt? Dëst kéint souguer eng jäerlech Traditioun ginn.

Schaf en Aarbechtsberäich fir d’Hausaufgaben

Ee vun de Schlësselen zum Erfolleg bei den Hausaufgabe ass et, eng roueg Plaz ouni Oflenkung fir Äert Kand ze schafen. Sich no engem rouege Plaz (ewech vum Fernseh an de méi klenge Geschwëster), setzt eng gutt Luucht derbäi a suergt dofir, datt Äert Kand bequem sëtzt.

Wann d’Schoul virtuell ass, setzt eng Plaz an Ärem Haus fest, déi nëmme fir Schoulaktivitéiten reservéiert ass. Dat mécht d’Situatioun méi offiziell a hëlleft Ärem Kand sech besser ze konzentréieren, wann et op dëser Plaz ass.

Organiséiert d’Schaf

De Schoulufank geet och mat dem Kaf vu neie Kleeder Hand an Hand. Awer ier Dir akafe gitt, denkt drun d’Schaf ze raumen. Esou wësst Dir, wat Är Kanner wierklech brauchen fir Duebelekaaf ze vermeiden. Wann Dir schonn dobäi sidd, maacht et Ärem Kand méi einfach moies unzedoen, andeems Dir alles gräifbar maacht.

Den Schoulmëttegiessen virbereeden

Wann Äert Kand d’lescht Joer ëmmer just Sandwiches giess huet, ass et vläicht Zäit, seng Mëttesiesse nei ze iwwerpréiwen. D’neit Schouljoer ass eng gutt Geleeënheet, fir méi gesond Mëttegiessen fir Är Kanner virzebereeden.

Schwätzt och mat Ärem Kand doriwwer, wat et gären zum Mëttesiesse géif iessen an wat en equilibréierte Mëts ass. Kanner si méi bereet dat z'iessen, wou si mengen, si hätten eng Roll an der Entscheedung gespillt.

Denkt och un d’Kantin, dat ass och eng Méiglechkeet, Ärem Kand equilibréiert Iessen all Mëttes ze ginn.

Kaaft Ärem Kand en Wecker

Wann Äert Kand keng Auer oder Wecker an sengem Zëmmer huet, verzicht Dir op en effikassen Tool fir him ze hëllefen d'Saachen ze maachen. Een mat Timer kann och ganz effektiv sinn, fir Kanner ze hëllefen bei enger Aufgab ze bleiwen oder 30 Minutten Piano ze üben.

Hei ass nach en anere Virdeel: Dir kënnt d'Auer och de Béisen spille loossen – et ass net d'Mamm, déi seet et ass Bettzäit, mee d'Auer!

Maacht eppes Spaasses

Éier de Summer eriwwer ass, huelt Iech Zäit fir eppes Besonnesches mat de Kanner ze maachen. Egal ob Dir enges Daags fréi vun der Aarbecht fortgitt, fir mat der ganzer Famill op d'Plage ze fueren, suergt dofir, datt Dir eng Erënnerung hutt, op déi Dir all zeréckkucke kënnt, wann d’Schoul erëm ugeet.